X
تبلیغات
رایتل
سه‌شنبه 20 دی‌ماه سال 1390 @ 08:38 ب.ظ

بهانه سیز گئت

گئتمه ک ایسته یرسن ؟ بهانه سیز گئت

اویاتما مورگولی خاطره لری

سه سین همان سس دیر باخیشین  ئوگی

گئدیرسن  ؟ سه سینده یاد اولسون باری

 

سن دنیز قوینونا  توللانمیش چیچه ک

اوستونه دالغالار آتیلاجاقدیر

ساختا محبتیین / ساختا سند تک

نه واقت سا  اوستونده دوتولاجاقدیر  

 

دوشه نیب یول لار تک آیاغلارینا

سنه یالواریم می ؟ بوممکن دگیل

قویمارام قلبیم تک وقاریم سینا

آلچالیب یاشاماق  عومور گون   دگیل

 

دئمیره سن اوجا  بیر  داغسان  اگیل

دئمیره م قالیب دیر   علاجیم  سنه

نه  سن ده   محبت  قاراپول  دگیل

نه  من  دیلنچی ام ال آلچالیم  سنه 

 

گئتمه ک ایسته یرسن؟ نه دانیش  نه دین

یوخ اول اوزاقلارتک دومان دا چن ده

نه یمی  سئومیش دین  آ ظالیم منیم

ایندیسه  یوز عیب گوریرسن من ده